رد مسؤولو رابطة الأندية على تصريحات حلمي طولان، المدرب السابق لمنتخب مصر، بعد ما قال إن الدوري المصري في المركز 135 عالميًا ومش له قيمة، حيث أكدوا أن الدوري في المركز 16 عالميًا وفق تصنيف الاتحاد الدولي للتاريخ والإحصاء، وده يبين قوة المسابقة المحلية.
وأضاف مصدر من الرابطة في تصريحات لبرنامج “الكلاسيكو” مع الإعلامية سهام صالح على قناة ON E، أن كلام طولان ليس له أي أساس من الصحة.
“أنا مش تاجر مخدرات”.. حلمي طولان يفتح النار: باعوني والكل تآمر ضدي
خلال حديثه في برنامج “الكلاسيكو”، كشف حلمي طولان إنه لو رجع به الزمن، مش كان هيقبل تدريب منتخب مصر الثاني، لأنه تعرض لهجوم كبير من كل جانب، والتجربة كانت مرهقة ليه.
وأشار طولان إن وزير الرياضة ما دعمهوش لأنه رفض تأجيل مباريات بيراميدز، وترك الأمر لرابطة الأندية، كمان أكد إنه كان في ناس شغالة على إفشاله وتشويه سمعته.
كما أضاف إن هاني أبو ريدة مش هيهاجمه، لأنه عارف كل اللي قدمه للكرة المصرية، وأوضح إن الاتهامات اللي بتقول إنه تولى تدريب المنتخب الثاني بالواسطة، كلها إشاعات ولا أساس لها من الصحة، ورفض التشكيك في إنجازاته الكروية.
وطولان أكد إنه كابتن حلمي طولان، ومش تاجر مخدرات، ونجاحه جاي من خبرته وشغله، مش من أي وساطة، وأشار إن احترامه ومكانته في الوسط الكروي ثابتة ومستحقة.
طولان: كنت هوصل بالمنتخب لنهائي أفريقيا.. وما حدث مع صلاح “قلة أدب”
في سياق آخر، أكد حلمي طولان إنه لو كان تولى تدريب منتخب مصر في كأس الأمم الإفريقية، كان ممكن يوصل بالفريق للنهائي مهما كان المنافس، وأشار إن محمد صلاح عنصر أساسي في المنتخب، ورغم تباين مستواه في بعض المباريات، تأثيره كبير جدًا.
كمان انتقد طولان بشدة اللي هاجموا صلاح بعد نشره فيديو عند وصوله للقاهرة، ووصف ذلك بأنه تصرف “قلة أدب”، وشدد على إن مصر مش عندها لاعب تاني يقدر يمنح الجماهير نفس السعادة اللي بيمنحها صلاح.
التعليقات