قرعة دوري أبطال أوروبا تنطلق اليوم تعرف على التفاصيل

النهاردة، الفرق الـ16 اللي وصلت لمرحلة الملحق الإقصائي في دوري أبطال أوروبا هتعرف منافسيها خلال القرعة اللي هتتعمل في سويسرا.

القرعة هتضم الفرق اللي أنهت الدوري في المراكز من التاسع للرابع والعشرين، بينما الفرق الثمانية الأولى تأهلت مباشرة لدور الـ16 عشان تتفادى ضغط المباريات في فبراير، ومباريات الذهاب هتكون يوم 17 أو 18 فبراير، والإياب بعد أسبوع واحد.

إزاي بتتم قرعة الملحق؟

حسب تقارير «بي بي سي»، الفرق بتتقسم لمجموعتين حسب ترتيبها في الدوري: فرق مصنفة من 9 لحد 16، وفرق غير مصنفة من 17 لحد 24. كل فريق مصنف هيلعب ضد فريق غير مصنف، مثلاً صاحب المركز الـ15 أو الـ16 هيلعب ضد صاحب المركز الـ17 أو الـ18، والفرق المصنفة هتلعب مباراة الإياب على أرضها

على سبيل المثال، نيوكاسل اللي أنهى الدوري في المركز الـ11، هيقابل باريس سان جيرمان اللي في المركز الـ12، وبالتالي نيوكاسل هيلعب ضد واحد من موناكو أو كاراباخ.

الفائزين من الملحق هيخشوا دور الـ16، وهناك هيقابلوا الفرق الثمانية الأولى اللي تأهلت من الدوري.

من هنا فصاعداً، البطولة بتتلعب بنظام الإقصاء المباشر ذهاباً وإياباً (ماعدا النهائي)، وكمان الفرق المصنفة هتلعب الإياب على أرضها في دور الـ16.

فيه تغيير مهم السنة دي، لأول مرة ترتيب الفرق في الدوري هيأثر كمان على تصنيف ربع النهائي ونصف النهائي، والفرق اللي أنهت الدوري في المراكز من الأول للربع هيتصنفوا في ربع النهائي وبلعبوا الإياب على أرضهم، وكمان الفريقين الأول والثاني في الترتيب العام هيتصنفوا في نصف النهائي، لو فريق مصنف خرج، الفريق اللي أقصاه هيخد تصنيفه.

قرعة دور الـ16 وربع النهائي ونصف النهائي والنهائي هتكون يوم 27 فبراير، ودور الـ16 هيبدأ في 10-11 و17-18 من مارس، وربع النهائي هيكون في 7-8 و14-15 في أبريل، ونصف النهائي في 28-29 أبريل و5–6 مايو، والنهائي يوم 30 مايو.