الأزمة بين إمام عاشور والأهلي مش جديدة، بدأت من السنة اللي فاتت لما طالب بتعديل عقده عشان يبقى زي زميليه تريزيجيه وزيزو.
الناقد الرياضي علي سمير قال في برنامج «الماتش» مع إيهاب الكومي على قناة صدى البلد إن الجلسة اللي حصلت بين إمام ومحمد يوسف انتهت بمشاكل كبيرة وصلت للكابتن محمود الخطيب بعد ما يوسف رفض كل المطالب المالية لعاشور.
من ناحية تانية، إمام عاشور حاول يتدخل في بعض قرارات الفريق، وطلب من الخطيب عدم التعامل مع بعض الأشخاص في النادي، وده كان ضغط عشان يحقق مطالبه. كمان تكلم مع مدير الكرة وليد صلاح الدين وطلب الرحيل سواء للدوري السعودي أو الأمريكي أو تعديل عقده، لكن وليد كان رده إنه لازم يلتزم مع الفريق لحد ما يتم مناقشة مستقبله في جلسة جديدة.
سمير أكد إن رفض إمام السفر مع الأهلي لتانزانيا كان بسبب التوترات دي، ونفى كل الأقاويل عن إصابته بفيروس أو أي عذر طبي تاني، وشدد إن المشكلة مرتبطة بخلافات مالية وتنظيمية داخل النادي.
التعليقات