الإعلامي إيهاب الكومي علق على تصدر سيراميكا كليوباترا لجدول الدوري بعد فوزه على غزل المحلة، وأشاد بالزمالك اللي رغم المشاكل، لاقي نفسه في الوصافة، وحذر من وضع الإسماعيلي السيء اللي ممكن يهدد هبوطه في الموسم الجاي.
وقال إيهاب الكومي في برنامج «الماتش» على قناة «صدى البلد»: “سيراميكا كليوباترا عنده هدف واضح من بداية الدوري، مركزين على الصدارة والمشاركة في البطولات الأفريقية السنة الجاية”
وأضاف: “سيراميكا هيفضل متصدر حتى لو لحقت به فرق تانية في عدد المباريات”
وأكد: “كتر خير الزمالك، رغم كل مشاكله إلا إنه موجود في الوصافة في الدوري الممتاز”
وأشار: “الحقوا الإسماعيلي قبل ما يفوت الأوان، بعد استقالة رئيس اللجنة المؤقتة، الإسماعيلي بقى مكبل، هل هنشوف الإسماعيلي في دوري المحترفين؟ استفيقوا قبل ما يحصل اللي لا ينفع فيه الندم”
وأتم: “ما أتصورش دوري من غير الإسماعيلي، لو حصل هبوط مش هينفع الإنقاذ زي السنة اللي فاتت”
التعليقات