كشف الإعلامي أحمد شوبير عن إن نجله مصطفى شوبير، حارس مرمى الأهلي، جاله ثلاثة عروض رسمية في الفترة الأخيرة، لكن إدارة النادي تمسكت ببقاء اللاعب ورفضت أي نقاش حول بيعه أو إعارته.
شوبير قال في تغريدة على منصة «إكس» إن أول عرض كان من وكيل أسباني وقعد يتفاوض مع محمد يوسف لمدة 3 ساعات، والرد كان واضح: شوبير مش للبيع، وبعدها جاء عرض من نادي الخلود السعودي، برضو نفس الرد الموضوع مقفول
وأضاف شوبير إنه في الانتقالات الشتوية الماضية جاء عرض إعارة لمدة 6 شهور مقابل مبلغ كبير، لكن الأهلي كان رده أن شوبير مش للإعارة أو البيع، وأكد إن مصطفى أهلاوي ابن أهلاوي وعائلته بتدين بالفضل للنادي الأهلي.
شوبير: ابني أهلاوي ابن أهلاوي.. وعقده أقل من 5 ملايين جنيه
رفض أحمد شوبير يتكلم عن موضوع مستقبل ابنه مصطفى مع الأهلي، خصوصًا مع قرب انتهاء عقده بنهاية الموسم الجاري 2025-2026.
شوبير يكشف الحقائق على الهواء
شوبير قال خلال برنامجه الناظر إن الكلام ده هو الأول والأخير ليه، وإنه مفيش أي حديث رسمي حول التجديد لمصطفى، وإن العقد بتاعه أقل بكتير من 5 ملايين جنيه.
أضاف شوبير إن الكابتن خالد بيبو حاول يتكلم مع مصطفى في التجديد من سنتين، لكن الموضوع ما حصلش، وكابتن محمد يوسف حاول برضو لكن ما تمت الجلسة، واللاعب مركز في تمريناته ومش مشغول بأي حاجة تانية.
ثم أشار شوبير إلى إن مصطفى موقع مع وكالة أسبانية، والناس قعدوا مع محمد يوسف قبل الموسم وسألوه عن المبلغ المطلوب، لكن رد يوسف كان إن مصطفى مش للبيع.
وبعد كده، نادي الخلود أرسل عرض رسمي لضم شوبير، لكن الأهلي رد عليهم بنفس الطريقة: مش للبيع ولا للإعارة، وأكد إن كل الكلام اللي بيتقال مش صحيح، وإن مصطفى عقده مستمر مع الأهلي حتى نهاية الموسم الجاي، وهو تحت أمر النادي
شوبير ختام حديثه كان واضح إن مفيش أي كلام مع مصطفى عن تمديد العقد أو أي شيء، وإنه يحترم العقد اللي موقع عليه اللاعب.
التعليقات