محمد الدماطي، عضو مجلس إدارة الأهلي، أثار موضوع مهم حول غياب الجماهير عن مباريات الدوري المصري مقارنة بمباريات دوري أبطال إفريقيا.
كتب الدماطي على فيسبوك: “هتحدث كأهلاوي قبل ما أكون عضو مجلس إدارة، وعارف إن ممكن أفتح أبواب مش عايزها، بس أنا مش بخاف”.
وأضاف: “مهما كانت انتقاداتك للإدارة أو الفريق، مش مبرر لضعف الحضور الجماهيري في مباريات الدوري المهمة، لو الحضور ضعيف بشكل عام ممكن نقول فقدان شغف أو مشاكل مع الجمهور”.
وتساءل: “لما نلاقي الجماهير مليانة في مباريات إفريقيا وقلّة في الدوري، يبقى إيه السبب؟ هل بنوصل رسالة للاعبين إن الدوري مش مهم؟ مفيش أي مبرر منطقي للتفاوت ده، وكل البطولات مهمة”.
وواصل: “التواجد الجماهيري بيحسن الأداء، أنا كنت دايمًا موجود في المدرج وقت ما الفريق محتاجني عشان يكسب”.
وختم: “يلا نقفل على نفسنا شهرين، نركز في حاجة واحدة وهي دعم الفريق لحد آخر الموسم، نشجع ونروح الاستاد، ونسيب الانتقادات على جنب، لأن المهم هو الأهلي. في الآخر، محدش حيفتكر إلا البطولات، ياريت الناس المؤثرة تتبنى الاتجاه ده، كل حاجة لسة في إيدينا، وإن شاء الله ربنا يكرمنا”.
التعليقات