حسام حسن، لاعب مودرن سبورت الحالي والأهلي وسموحة السابق، بدأ حديثه عن بدايته مع بيتسو موسيماني، المدير الفني السابق للأهلي، وقال إن البداية كانت جيدة لكن التعامل كان صعب من غير أسباب واضحة، لذلك فترته مع مارسيل كولر كانت أفضل، حيث عدنا بعد موسم صفري واستطعنا نحقق بطولات كبيرة، وأهمها دوري أبطال إفريقيا.
خسارة نهائي إفريقيا 2022 ظالمة
وأضاف: أي لاعب في الأهلي بيسعى لصنع اسم وتاريخ، لأنك موجود في أعلى مستوى في مصر، وبالتالي مفيش حاجة اسمها عدم تركيز، الجمهور ورائك وضغطهم كبير، وعشان كده لما خسرنا النهائي، حسينا إن الناس كلها كانت مستنية الأهلي يحقق البطولة، مش مهم الدوري ولا أي بطولات تانية قدام دوري أبطال إفريقيا.
وواصل: رجعنا في الموسم التالي وكسبنا اللقب من نفس الفريق وعلى أرضه، وأثبتنا إننا لاعبين كبار، الكل كان مركز وشغال عشان نحقق اللقب ده ونرد اعتبارنا بعد الظلم اللي حصل في نهائي 2022.
حسام حسن: محمد شريف مهاجم كبير
وأردف: محمد شريف مهاجم كبير والدليل على كده أرقامه مع الأهلي، لكنه واجه انتقادات كتير أثرت عليه، لكني بقوله أنت لاعب قوي وعندك تاريخ كبير في النادي، لازم تكون أقوى وتواجه الضغوطات بعزيمة، ودايمًا خليك متذكر رصيدك مع الفريق عشان تقدر تكمل.
واختتم حديثه بتمنياته بالتوفيق لشريف وللمهاجم الجديد مروان عثمان، لأنه يراه إضافة جيدة لخط الهجوم لكنه محتاج يركز أكتر في تسجيل الأهداف.
التعليقات