في حديثه عن الدوري المصري، حسام حسن لاعب مودرن سبورت الحالي والأهلي وسموحة السابق، أكد إن المنافسة ما بين الأهلي والزمالك مستمرة، وبيراميدز بيدخل المعادلة كفريق قوي يستحق مكانته الحالية.
أضاف “حسن” في تصريحاته لبرنامج نجوم دوري نايل مع أحمد المصري عبر إذاعة أون سبورت إف إم إن غزل المحلة والإسماعيلي في موقف صعب ومرشحين للهبوط، ومحتاجين معجزة عشان يتفادوا الموقف ده.
وعن تنظيم الدوري، قال إن النظام الحالي مش عادل ولازم يرجع الدوري لشكله القديم لأنه فيه ظلم لبعض الأندية، ومن ناحية تانية، الدوري مليان مهاجمين جيدين، زي ناصر منسي وعدي الدباغ من الزمالك، وكمان صلاح محسن من المصري، لكن محتاج منه تركيز أكتر.
وتابع إنه بيحاول يساعد نفسه عشان يرجع سريعًا، وكمان يساعد مودرن سبورت يكون بين الكبار في المكانة اللي يستحقها النادي.
واختتم حديثه بالإشادة بأحمد سامي كأفضل مدرب في الدوري هذا الموسم، واعتبر إن إمام عاشور وتريزيجيه هم أفضل لاعبين حاليًا، ومن غيرهم الأهلي هيبقى فريق عادي.
التعليقات