نشرت وزارة الصحة مجموعة من النصائح المهمة للمعتمرين في رمضان عشان يتجنبوا الجفاف أثناء العمرة، وهذه النصائح جزء من حملة “رمضان بصحة”، وتهدف للحفاظ على صحة المعتمرين ولياقتهم.
نصائح لتجنب الجفاف أثناء العمرة في رمضان
أوصت الوزارة بشرب من 8 إلى 10 أكواب مياه يوميًا، ويفضل توزيعها بين الإفطار والسحور، عشان تعوض السوائل اللي بتفقدها خاصة مع ارتفاع درجات الحرارة والمجهود البدني أثناء المناسك.
كمان شددت على أهمية تناول أطعمة غنية بالمياه زي السلطة الخضراء اللي فيها طماطم وخضروات طازجة، لأنها تساعد في ترطيب الجسم ودعم توازن السوائل، وفي نفس السياق، يُفضل تجنب المشروبات اللي فيها كافيين زي القهوة والشاي والمشروبات الغازية.
وأوضحت الوزارة إن الكافيين ممكن يزيد من إدرار البول، وبالتالي يرفع فرص الإصابة بالجفاف، ودعت الجميع للالتزام بالنصائح الصحية عشان يقدروا يؤدوا المناسك بأمان ودون مشاكل صحية.
التعليقات