بيب جوارديولا، مدرب مانشستر سيتي، طلع يتكلم عن تغيير موعد مباراة فريقه مع نيوكاسل في كأس الاتحاد الإنجليزي، واللي هيأثر على فترة الراحة قبل مواجهة ريال مدريد في دوري الأبطال.
قال بيب: “عندنا مباراة في كأس الاتحاد ضد نيوكاسل برة ملعبنا، شكراً على السماح لنا نلعب الساعة 8 بدلاً من 3!”
وكمل: “عندنا وقت أقل للاستشفاء قبل ما نروح مدريد، مرة تانية، شكراً جزيلاً لكم”
كمان المدرب الإسباني اتكلم عن استهجان جماهير ليدز يونايتد لإيقاف المباراة عشان اللاعبين يقدروا يفطروا في رمضان، وقال: “ده هو العالم الحديث، مش كده؟ شوفوا اللي بيحصل في العالم دلوقتي”
وأضاف: “احترموا الأديان، احترموا التنوع، ده هو الجوهر! القوانين مش إحنا اللي حطيناها، إنما رابطة الدوري الإنجليزي هي اللي قالت: ‘حسناً، من أجل الصيام يمكنكم التوقف لدقيقة أو دقيقتين للقيام بذلك'”
جوارديولا كمان مدح رودري بعد مباراة ليدز، وقال: “رودري… يا له من لاعب، افتقدناه لفترة طويلة، والآن، خطوة بخطوة، بدأ يستعيد مستواه”
واختتم: “مررنا بالكثير، مليار تمريرة، ولسه أسلوبنا فعال في كرة القدم!”
وعن إفطار لاعبي مانشستر سيتي، قال: “تناولوا شوية فيتامينات في الشوط الأول ضد ليدز، لأن ريان شرقي وآيت نوري ما أكلوش اليوم”
وعن عودة إيرلينج هالاند، قال: “مش عارف إمتى هيرجع للمشاركة مع الفريق”
واختتم: “دافعنا بشكل جيد جداً… اتكلمنا عن ضرورة المعاناة في الملعب، وقدرنا نعمل كده!”
التعليقات