محسن صالح يؤكد عدم جدارة موسيماني بتدريب الأهلي ويكشف عن رغبته في رحيل فايلر

كشف محسن صالح، رئيس لجنة التخطيط السابق بالنادي الأهلي، عن عدة ملفات مهمة تخص الفريق خلال فترة توليه المنصب.

قال محسن صالح في تصريحات لقناة “النهار”: كنت مصممًا على رحيل فايلر من الأهلي، لما شفت أسلوبه كان مهين للنادي ورفض كل الحلول عشان يكمل مشواره، ادعى إنه مسافر وكان متبقي للأهلي 4 مباريات في الدوري، بياخد راتبه و(يلم حاجاته)، أبلغت الخطيب إن الراجل ده (بيلم عفشه)

وعلى جانب آخر، تابع: الدوري كان لسه مستمر وكان عايز مكافأة الفوز، يعني هو أخد قرار الرحيل، الخطيب عرض عليه كل الحلول وكان رافض بشدة، حسيت إن ده إهانة، قلت للخطيب خذ قرارك وييجي مدرب تاني

في نفس السياق، أضاف: كنت من أشد المعارضين إن موسيماني يكون مدرب للأهلي، مش مؤمن إنه مدير فني من إفريقيا، سواء من تونس أو الجزائر أو المغرب أو السودان، يدرب النادي الأهلي، الأهلي أكبر من كل المدربين اللي شغالين في المنطقة

من ناحية تانية، واصل: ما زلت مصمم على رأيي إن موسيماني ما كانش يستحق تدريب النادي الأهلي، موسيماني سافر عشان يقضي إجازة، وبعد كده راح المغرب عشان يحصل على دورة تدريبية وبعدها رجع لجنوب إفريقيا، والفريق كان مستعد لمباراة

كمان، أكمل: حصل اجتماع للخطيب مع شركة الكرة ولجنة التخطيط، وكان فيه اتصال فيديو مع موسيماني وطلبنا منه إنه يجي مصر عشان المباريات، لكن أبلغنا إنه مريض، حسينا إنه ممكن ناخد قرار إقالة، وكان رده سريعًا، ممكن ننهي التعاقد بطريقة ودية، مفيش مشكلة

وفي النهاية، اختتم: الخطيب أصدر قرار إن شركة الكرة مع حسام غالي هم اللي يتولوا البحث عن مدير فني جديد، وتعاقدوا مع سواريش