محمد كمونة، لاعب الزمالك ومنتخب مصر السابق، شاركنا ذكرياته عن شهر رمضان، اللي دائمًا بيكون له طابع خاص سواء في البيت أو في المعسكرات، وكلها لحظات مميزة وملهمة.
كمونة اتكلم عن أجواء رمضان في عائلته، وازاي كان يحرص على الإفطار مع والديه وأبنائه في المنصورة، ولما فقد والديه بقى يفطر مع أسرته، وأكد إن الأكلات الريفية خصوصًا المحاشي والبط دائمًا لها مكانة خاصة على مائدته لأنه من أسرة فلاحين.
وعن رمضان في المعسكرات، قال كمونة إن الأجواء كانت مميزة، واللاعبين كانوا يفضلوا يجتمعوا مع بعض، هو وزملائه أحمد صالح وعبدالحليم علي وتامر ووليد والدوماني، وكانوا يتناولون الطعام سويًا على الأرض، وسط أجواء من الألفة والترابط.
وذكر كمونة إن أفضل بطولة حققها الزمالك كانت في رمضان، وهي بطولة أفريقيا لأبطال الكؤوس اللي أقيمت في الكاميرون، رغم الضغوط اللي اتعرضوا لها للإفطار بسبب حرارة الجو، لكن اللاعبين قرروا يكملوا صيامهم ونجحوا في الفوز بالبطولة.
وأضاف إن الفريق بعد كده حقق بطولة الدوري كمان في رمضان، وقال إن الشهر الكريم كان دائمًا “وشه حلو” على الزمالك.
أما عن عاداته الغذائية، ذكر كمونة إنهم بيحبوا يبدأوا رمضان بالمحاشي، وبعد كده البط، وكمان يفضل الخضروات زي البسلة والكوسة، وكل الأكلات اللي فيها خضار.
وفي منتصف الشهر، بيميل لتناول الأسماك سواء المشوية أو المقلية، وبخصوص الحلويات، هو بيحب القطايف والكنافة والكيك، وأكد إن أسرته تفضل الحلويات المنزلية بدل ما يشتروا من بره، علشان يحافظوا على روح الشهر الكريم العائلية.
التعليقات