ريال مدريد مش هيقدر يعتمد على كيليان مبابي في الفترة الجاية، بسبب إصابته اللي هتخليه يغيب عن المباريات، والنادي أصدر بيان يوضح تفاصيل الإصابة.
مبابي عنده التواء في ركبته اليسرى، وريال مدريد أعلن إنه هيبدأ علاج تحفظي، لكن لسه مفيش تفاصيل عن المدة اللي هيغيب فيها (ممكن تطلع على بيان ريال مدريد من هنا).
صحيفة “آس” الإسبانية أكدت إن مبابي هيغيب عن الملاعب لفترة غير محددة، وهتتعمل تقييمات يومية لحالته مع العلاج التحفظي اللي بيخضع له.
وبما إنه مفيش وقت محدد لعودة مبابي، متوقع إنه يغيب عن ست مباريات على الأقل في أول ثلاث أسابيع من شهر مارس.
المباريات اللي هيغيب عنها مبابي مع ريال مدريد
| الاثنين 2 مارس | ريال مدريد ضد خيتافي، الدوري الإسباني |
| الجمعة 6 مارس | سيلتا فيجو ضد ريال مدريد، الدوري الإسباني |
| الأربعاء 11 مارس | ريال مدريد ضد مانشستر سيتي، دوري أبطال أوروبا |
| السبت 14 مارس | ريال مدريد ضد إلتشي، الدوري الإسباني |
| الثلاثاء 17 مارس | مانشستر سيتي ضد ريال مدريد، دوري أبطال أوروبا |
| الأحد 22 مارس | ريال مدريد ضد أتلتيكو مدريد، الدوري الإسباني |
بعد كده هيكون في فترة توقف دولي في مارس، وبعدها ريال مدريد هيواجه ريال مايوركا في الدوري الإسباني، وكمان المنتخب الفرنسي هيكون عنده مباراتين وديتين في الولايات المتحدة ضد البرازيل وكولومبيا يومي 26 و29 مارس، ومن المتوقع برضه إن مبابي مش هيكون موجود.
التعليقات