كريم أحمد، لاعب ليفربول، طلع في حوار إذاعي يتكلم عن طموحاته مع منتخب مصر وكواليس انضمامه للنادي الإنجليزي، كمان تفاصيل لقائه بمحمد صلاح وأهدافه في مسيرته الكروية المبكرة.
قال كريم أحمد في تصريحاته لإذاعة “أون سبورت إف إم”: “هستمر في السعي لأكون أفضل، هشتغل بجد كل يوم، وإن شاء الله أكون عند حسن الظن مع المنتخب المصري، منتظر تصفيات كأس أمم إفريقيا، ونتمنى نعمل حاجة كويسة ونتأهل، وأمنيتي أكون مع عائلتي أكثر وأركز على ديني، وأقضي وقت مع أصدقائي وأسرتي، وحاول تحسين نفسي كل يوم”
وأضاف: “كيف انضميت لليفربول؟ كنت بلعب في فريق والدي، وكان هو المدرب، وفي بطولة حضرتها كشافين كتير، واحد منهم قال لوالدي: نعتقد إنه لاعب مميز، هل ممكن نضمه لليفربول؟ ومن هنا رحت لليفربول، ومن ساعتها بدأت أظهر بشكل كويس وانضميت للنادي وأنا عندي سبع سنين”
وواصل: “متى هتكون جاهز للانضمام للفريق الأول؟ صراحة مش بفكر في الموضوع ده كتير، لسه عندي طريق طويل، الفجوة بيني وبين لاعبي الفريق الأول كبيرة جدًا، فالمطلوب هو الاستمرار في العمل كل يوم عشان أقرب المسافة وأكون جاهز للعب”
وأردف: “نفسي ألعب في أعلى مستوى، أشارك مع الفريق الأول وأمثل مصر، وأحب أشارك في أحداث اليوم كبيرة، لكن مش هبص بعيد دلوقتي، عايز أركز على اللحظة الحالية وتحسين نفسي”
واستكمل: “قابلت محمد صلاح قبل كذا سنة بعد إحدى المباريات، سألني عن عائلتي ومن أين، وكان يتحدث معي بشكل لطيف، وكان شعور رائع أن أقابل لاعب زي صلاح، وجوده بيديني إلهام لأكون واحد من الأفضل، لكنه مش بيحطني تحت ضغط، بالعكس بيديني دافع”
ثم قال: “أنت سألتني عن السوشيال ميديا، لكني أعتقد أن الموضوع كله يتعلق بالناس اللي حواليا، عندي عائلتي وأصدقائي اللي بيساعدوني أركز، هم مش بيشتتوني”
وعن البطولة اللي بيحلم بالتتويج بها، أجاب: “كأس العالم مع منتخب مصر، هيكون جنوني، وأعتقد أن مصر ممكن تتوج باللقب يوم ما، موهبة مواليد 2007 و2005 تبين أن الجيل الجاي قوي جدًا”
وعن رسالته للجمهور المصري، قال: “عايزهم يعرفوا قد إيه أنا متحمس لتمثيل بلدي، وأتمنى فرص أكتر في المستقبل، وسعيد جدًا بلعب لمصر في أول مباراة دولية، ده اللي عايزهم يعرفوه”
واختتم: “مش هعدهم بأي أحداث اليوم، لكن هبذل كل جهدي من أجل الشعار والبلد والفريق، وهشتغل بجد دائمًا”
التعليقات