هشام نصر: جون إدوارد بدون راتب شهري وشرط جزائي مشترك

كشف هشام نصر نائب رئيس نادي الزمالك عن تفاصيل جديدة تخص جون أدوارد المدير الرياضي للنادي، حيث أكد إنه مش بياخد راتب شهري، لكنه بياخد نسبة أقل من 15% في حالة بيع أي لاعب.

وصرح هشام نصر خلال استضافته في برنامج النجوم في رمضان إنهم عملوا عقد محترم مع جون أدوارد، وهو مش موظف عندهم، وفيه شرط جزائي يدفعه هو لو قرر الرحيل، وكمان هم بيدفعوا لو هو مشي.

من ناحية تانية، وضح نصر إن جون أدوارد بيحصل على أقل من 15% من أي صفقة بيع، وده حقه، وكمان هو مش بياخد حاجة في شراء اللاعبين، لكن عنده شبكة علاقات كبيرة يستفيد منها النادي، والزمالك بيحصل على بونص من عقد جون أدوارد، وهو شخص بيحب النادي وعاشق للنجاح.

وتابع نصر إن فيه انتقادات اتوجهت لجون أدوارد في البداية من بعض رموز الزمالك، لكن كان وقتها مش ممكن يقعدوا معاه للاستماع لآرائهم، لكن دلوقتي هم بيدعوا كل الرموز للاجتماع عشان يوصلوا مقترحاتهم لجون أدوارد، وكلهم عايزين النجاح للنادي.