هشام نصر، نائب رئيس نادي الزمالك، أعلن عن خطة لتعديل عقد معتمد جمال مدرب الفريق في الفترة الجاية.
نصر قال خلال ظهوره في برنامج “النجوم في رمضان”: “معتمد جمال عنده مميزات كتير، أهمها إنه قادر يجمع الفريق ويمنح الثقة لقطاع الناشئين، وكمان بيقرأ المباراة بشكل جيد وبيطبق نظام التناوب بشكل ممتاز”
مدرب أجنبي
وأضاف نصر: “كنا بندور على مدرب أجنبي، واتفقنا مع معتمد جمال إنه يكون مساعد، لكن لما أثبت نجاحه قررنا إنه يكمل، ومش منطقي إنه يشتغل بدون مقابل يتناسب مع جهوده”
وتابع: “هنعدل عقد معتمد جمال في الفترة الجاية، وهو هيكون سعيد بالأرقام الجديدة لأنه يستحق ده”
هشام نصر: خطأنا مع جون أدوارد كان السكوت وعدم التواصل مع الجمهور
هشام نصر كمان قال إن مجلس إدارة الزمالك ارتكب خطأ في التعامل مع جون أدوارد المدير الرياضي بسبب عدم التواصل مع الجمهور.
نصر أوضح: “غلطتنا كانت في السكوت وعدم شرح اللي تم الاتفاق عليه، وتركنا المجال للهجوم والشائعات، لو رجعنا بالزمن، كنا هنعيّن متحدث إعلامي ومانسكتش”
وأضاف: “كل حاجة بيعملها جون أدوارد في الزمالك لازم تكون بموافقتنا، لأننا مجلس محترم، ولا لاعب بيجي أو يمشي إلا بالتنسيق معانا”
التعليقات