محمد شريف يعود للحسابات بعد توصية فنية داخل الأهلي

أحمد حسن، كابتن منتخب مصر السابق، طلع بتصريحات مثيرة بخصوص النادي الأهلي ومستقبل هجوم الفريق الأول، والحديث كله عن أهمية محمد شريف في الفترة الجاية.

نجم الأهلي السابق: محمد شريف «مهاجم كبير» والدليل أرقامه

حسام حسن، لاعب مودرن سبورت الحالي والأهلي وسموحة السابق، قال إن بدايته مع بيتسو موسيماني كانت ممتازة لكن التعامل كان مش كويس بدون أسباب واضحة، وعشان كده فترته مع مارسيل كولر كانت الأفضل، رجعنا بعد موسم صفري وأخذنا بطولات كتير منها دوري أبطال إفريقيا.

خسارة نهائي إفريقيا 2022 ظالمة

حسام حسن تابع في تصريحات لبرنامج نجوم دوري نايل مع أحمد المصري عبر إذاعة أون سبورت إف إم، إن خسارة دوري أبطال إفريقيا أمام الوداد المغربي في 2022 كانت قاسية وظالمة، الأمور قبلها ما كانتش على ما يرام، والمباراة كانت تحدي ضد الضغوطات الكبيرة.

وأضاف: كل لاعب في الأهلي بيبذل مجهود كبير عشان يعمل اسم وتاريخ، أنت في أعلى مستوى في مصر، مفيش حاجة اسمها عدم تركيز، لأن جمهور الأهلي وراك، ولما خسرنا النهائي حسينا إن الكل كان مستني الأهلي يكسب البطولة دي، الدوري مش مهم قد ما دوري أبطال إفريقيا مهم

وكمل: رجعنا الموسم اللي بعده وكسبنا اللقب من نفس الفريق وعلى أرضه، وأثبتنا إننا لاعبين كبار، الكل كان مركز عشان نثبت إننا اتظلمنا في نهائي 2022 ونرد اعتبارنا

حسام حسن: محمد شريف مهاجم كبير

وواصل: محمد شريف مهاجم كبير والدليل أرقامه مع الأهلي، لكن تعرض لانتقادات أثرت عليه، وبقوله أنت لاعب جامد وعندك تاريخ كبير في القلعة الحمراء، لازم تكون أقوى في مواجهة الضغوط وتحط رصيدك قدام عينك عشان تكمل

واختتم حديثه: أنت مهاجم كبير والدليل إنك رجعت النادي مرة تانية، بتمنى لك التوفيق ولمروان عثمان اللي شايف إنه إضافة جيدة لخط الهجوم لكنه محتاج يركز على تسجيل الأهداف أكثر