أحمد حسن، قائد منتخب مصر السابق، كشف عن تفاصيل جديدة حول أزمة إيقاف القيد اللي بتواجه نادي الزمالك قبل بداية الموسم الكروي الجديد، ويبدو إن الوضع مش سهل خالص.
في منشور له على “فيس بوك”، قال أحمد حسن إن مصدر من داخل الزمالك أكد على صعوبة الموقف الحالي، وإن النادي مش قادر يبدأ الموسم الجديد من غير ما يحل أزمة منع تسجيل اللاعبين الجدد.
المصدر أوضح كمان إن الإدارة عارفة التحديات اللي قدامها، وإن المسؤولين بيشتغلوا بجد علشان ينتهوا من الموضوع في أسرع وقت ممكن، عشان يقدروا يدعموا الفريق بصفقات قوية تقدر تنافس.
أحمد حسن لميدو: يجب عليك الاعتذار
أحمد حسن انتقد التصريحات الأخيرة لـ أحمد حسام ميدو، لاعب الزمالك السابق، وطالبه بالاعتذار للجيل الذهبي وللكابتن حسن شحاتة.
قال أحمد حسن في برنامج “الكابتن” على قناة “DMC”: “ميدو لازم يعتذر لنجوم الجيل الذهبي اللي لعب معاه، إحنا كسبنا أفريقيا بتعبنا ومجهودنا، مش بالسحر أو الحظ”
كمل: “ميدو يحب الجدل، بس مش على حساب زمايله أو مجهودنا، إحنا حققنا البطولات بالعرق، مش بالسحر. لو كان السحر هو الحل، ليه موصلناش كأس العالم رغم إننا كنا نستحق؟”
أضاف: “ميدو كان يرتدي رقم 15 علشان حسام حسن كان 9، وفي غيابه كان هو اللي بيلبس الرقم 9”.
وتابع: “ميدو يقول إنه كان أهم لاعب في الزمالك في 2010، لكنه لعب 11 مباراة من أصل 15 وسجل هدف وحيد”
اختتم أحمد حسن حديثه قائلاً: “أنا بحب ميدو، بس مش صح تقلل من مجهود 6 سنين لجيل ذهبي، ولازم يعتذر للجميع وللكابتن حسن شحاتة بشكل خاص”
التعليقات