محمد صلاح: ظلم «كاف» للأهلي متكرر والهجوم على الإدارة غير مبرر

علق الصحفي محمد صلاح على عقوبات الكاف اللي حرمت الأهلي من حضور جماهيره في مباراتين بدوري أبطال أفريقيا، وأكد إن الظلم ده مش جديد على النادي.

وكتب صلاح على منصة إكس: “طبعاً كاف متعنت وظلم الأهلي، وده مش أول مرة، والأمر مشابه جداً لما بيحصل في الكرة المصرية اللي مبتتوقفش عن استهداف الأهلي ومحاولة كبح انتصاراته، وفي نفس السياق، بعض الآراء اللي بتهاجم إدارة النادي وبتصفها بالضعف، لازم تفتكر إن الكابتن صالح سليم، لما تعرض الأهلي لظلم من الكاف، قرر الانسحاب من البطولة، وفي الآخر، كثيرين اكتشفوا إن القرار كان خاطئ. كمان الكابتن محمود الخطيب ومجلس إدارته لما قرروا عدم خوض مباراة الزمالك الموسم الماضي بسبب محاولات توجيه البطولة بعيد عن الأهلي، تعرضوا للوم من البعض واعتبروا القرار غير موفق.”

لوم الجمهور

كمل صلاح وقال: “ليه مفيش حد وجه لوم للجمهور اللي قذف عبوات المياه في مباراة الجيش الملكي؟ الناس دي أخطأت ومنحت الحاقدين فرصة للتربص بالنادي ومحاولة حرمانه من ميزة اللعب وسط جماهيره”

واختتم حديثه بقوله: “اللوم على الناس دي وتوعيتهم بخطأهم هيكون أكثر فائدة من الهجوم على الإدارة، لأنها لو صعدت اتهمت بالتهور، ولو هادنت اتهمت بالتخاذل، وطالما عارف إن أبو ريدة وشلته سواء داخل مصر أو بره مش هيعملوا إلا اللي يخدم طموحاتهم في إبعاد البطولات عن الأهلي، فلا تمنحهم الفرصة لصيدك”