الزنفل: الفوارق بين اللاعبين اختفت والانتقال للأهلي خطوة مهمة في مسيرتي

محمود الزنفلي، حارس مرمى حرس الحدود الحالي والأهلي السابق، صرح إن اهتمام اللاعبين بمباريات رمضان بعد الفطار زاد بشكل ملحوظ، وكل واحد بقى حريص إنه ياخد حاجات تعطيه طاقة علشان يقدر يلعب من غير تعب أو دوخة بسبب الصيام.

الزنفلي: المنافسة على الدوري صعبة

أضاف الزنفلي في حديثه لبرنامج نجوم دوري نايل مع أحمد المصري عبر إذاعة أون سبورت إف إم، إن المنافسة في الدوري المصري السنة دي صعبة جدًا، عدد الفرق الكبير زود الأمور صعوبة، وكل الفرق تدعمت بشكل قوي في الميركاتو الشتوي، وبكده تحديد البطل بقى شيء صعب.

وأشار كمان إنه مش ممكن نتوقع الفرق الهابطة، الأمور هتتحدد بس مع صافرة نهاية آخر مباراة في الموسم، المنافسة قوية جدًا، ومع بقاء مباراتين بس من الدور الأول و6 لمجموعة البطل، وكمان أكثر لمجموعة الهبوط، مفيش حاجة ممكن نتوقعها، لكن المواجهات المباشرة هي اللي هتحسم الأمور.

الزنفلي: الفوارق بين اللاعبين أصبحت معدومة

تابع الزنفلي إن الفوارق بين اللاعبين في مصر دلوقتي قليلة جدًا، الاستقرار المادي والفني والإداري مع التدعيمات القوية والجو الهاديء هو اللي بيدي أي فريق ميزة عن الباقي، ويخليه ينافس على اللقب أو يتواجد مع الكبار.

وختم حديثه بأن الفوارق الفردية بقت قليلة في العالم كله، كرة القدم بقت لعبة جماعية أكتر، مفيش لاعبين زي ميسي ورونالدو، مبابي كان نجم باريس سان جيرمان لكنه ماقدرش يقود الفريق للفوز بدوري أبطال أوروبا، لكن بعد رحيله، المجموعة قدرت تحقق اللقب بكل سهولة.

الانضمام للأهلي الخطوة الأهم في مسيرتي

أكد الزنفلي إن وجوده في النادي الأهلي كان له تأثير كبير في مسيرته الكروية حتى لو كانت لفترة قصيرة، مشددًا إن الأهلي اسم كبير وله تاريخ عظيم، والانتماء له شرف لكل لاعب وبيخليه في مكانة أفضل في المجال، سواء لعب أو ما لعبش.

وتابع الزنفلي إن قصة رحيله من الأهلي ما كانتش طلب منه، لكنها كانت رد فعل لموقف معين، وهو مؤمن بقضاء الله وقدره. وأضاف إن كولر ما ظلمش أي لاعب من الأهلي، ووجهة نظره إن اللاعب هو اللي يظلم نفسه لو مش مركز أو مقصر في التدريب.

استكمل حديثه إنه كرة القدم شغله وأكل عيشه، وفي الداخلية وقع للزمالك لكن وقف القيد عطل الصفقة، وبعدها حصل موضوع انتقال محمد أبو جبل من البنك الأهلي للأهلي، ومسؤولو البنك الأهلي طلبوا عودته للنادي، ولم يتأخر وقرر العودة سريعًا لإن المسؤولين هناك محترمين جدًا، وعندما توقف موضوع انتقال أبو جبل للأهلي، لم يتم التعاقد، وبعدها ربنا كرمه بعرض الأهلي.

واختتم الزنفلي حديثه إنه عندما جاءه عرض النادي الأهلي كان أسعد إنسان، الأهلي أحسن نادي في مصر وإفريقيا.