الدكتور محمود مسلم، رئيس الهيئة البرلمانية لحزب الجبهة الوطنية بمجلس الشيوخ، عبر عن رأيه في أداء النادي الأهلي خلال فترة محمود الخطيب، واعتبر إنه مليان علامات استفهام، سواء في صفقات اللاعبين أو اختيار المدربين الأجانب.
في حديثه ببرنامج “النجوم في رمضان”، قال مسلم إن الزمالك عنده قدرة على اختيار الصفقات بشكل أفضل من الأهلي، وأشار إلى أن الأهلي في عهد الخطيب ما حققش صفقات ناجحة غير وسام أبو علي اللي جاي بالصدفة، وأكد إنه مش عاجبه أداء كولر وموسيماني، لكن جوزيه ترك أثر كبير والناس دايمًا تقارنه بالمدربين التانيين لصالحه.
التعاقد مع كامويش وموديست وبواليا
وأضاف مسلم: كيف الأهلي يتعاقد مع كامويش وموديست وبواليا؟ خدعونا في الصفقات، خصوصًا في مركز رأس الحربة، وسام جاي بالصدفة بعيد عن الهيكل الإداري، والخطيب لاعب كبير لكن في الأهلي فيه خلل إداري وصندوق أسود
وتابع: حسام غالي وسيد عبد الحفيظ وياسين منصور جوا النادي لكن مفيش فرق واضح، مش عارف هل ياسين منصور ما اتاحوش له الفرصة يا ترى ولا إيه القصة؟
وأشار لبعض الصفقات اللي حصلت قبل كده، وقال: حد يعرف ليه رجع محمد شريف وبيكهام ومحمد شكري؟ كلام محسن صالح في البرامج يوضح إن لجنة التخطيط قراراتها استشارية بس
ورغم تراجع نتائج الفريق، رفض الدكتور محمود مسلم فكرة إقالة المدير الفني ييس توروب، وقال: أنا مش مع إقالة توروب دلوقتي، هو لعب مباراتين أو ثلاثة بشكل كويس، والفرق بينه وبين كولر إنه بيعمل تبديلات مختلفة عن الدقيقة 70 اللي كان بيستخدمها كولر
وأضاف: توروب عنده ثقة في كوكا وراكن يوسف بلعمري، لكن أنا مش متأكد من أي مدرب يلعب كوكا وطاهر محمد طاهر ومحمد هاني، وما فهمتش ليه سامي قمصان قاعد سنين طويلة بدون سبب، وليه بنستمر ندفع مرتبات للاعبين ومدربين قاعدين في بيوتهم زي كريستو وداري، وليه مش بنجيب مدرب وصفقات كويسة
برنامج “النجوم في رمضان” تقدمه الإعلامية نجلاء حلمي عبر إذاعة الشباب والرياضة، ويديره الكاتب الصحفي وليد قاسم، ويذاع أيام الجمعة والسبت والأحد والثلاثاء طوال شهر رمضان.
التعليقات