ديتمار هامان، نجم ليفربول السابق، علق على مستوى محمد صلاح هذا الموسم، حيث ظهر تأثره بشكل واضح مقارنة بالمواسم الفائتة، وده كان موضوع حديثه بشكل مباشر وصريح.
صلاح سجل 5 أهداف في الدوري الإنجليزي بعد 29 مباراة، وهو رقم يعكس تراجع كبير في مستواه بالمقارنة مع ما قدمه في السابق.
هامان قال في تصريحات لشبكة “جول”: “الجميع عندهم مشاكل، لكن مشكلة صلاح إنه كان مش بس بيسجل أهداف، كان كمان بيخلق مساحات لزملائه”
وأضاف: “أعتقد إن زملاءه استفادوا من ده، لكن دلوقتي الأمور اتغيرت، صلاح مش بنفس القوة، وهدفه الأول في الدوري كان من نوفمبر الماضي ضد ولفرهامبتون”
وتابع: “صلاح بيعاني من وقت عيد الميلاد السنة اللي فاتت، عنده صعوبة في تسجيل الأهداف من اللعب المفتوح، الوضع ده مش هيتغير، ممكن يسجل هدف من وقت للتاني، لكن تأثيره على ليفربول بقى أقل بكتير”
وأضاف: “نتمنى نشوفه في شكل أفضل في المباريات الجاية عشان يقود ليفربول للمراكز الخمسة الأولى، لكني حاسس إن أفضل أيامه راحت”
اقرأ أيضًا.. أرقام قياسية في انتظار محمد صلاح قبل مواجهة ليفربول وجالطة سراي.
واعترف: “كنت أتوقع إنهم ينتهوا الموسم في المركز الرابع ويتأهلوا لدوري أبطال أوروبا، لكن نتيجة مباراة ولفرهامبتون كانت محبطة، دلوقتي كل اللي محتاجينه هو نقاط كافية عشان نضمن إنهاء الموسم في المراكز الخمسة الأولى، المركز الخامس كافي، لكن فيه علامات استفهام كبيرة”
هامان شايف إن مايكل أوليس هو البديل الأنسب لصلاح، وقال: “بالنسبة لليفربول، مايكل أوليس هو الخيار الأمثل لأنه يلعب على الجانب الأيمن وبيميل للتوغل للعمق”
وأوضح: “إنه متألق مع بايرن ميونخ، صحيح إنه كان هادئ شوية في الأسابيع الأخيرة، لكن فيه لاعبين تانيين ممكن يحسموا المباريات، وأعتقد هنشوف أفضل ما عنده مع انطلاق دوري أبطال أوروبا مرة تانية”
وشدد: “إنه لاعب رائع، مش شايف بديل أفضل لصلاح منه، بايرن ميونخ هيكون متردد في التخلي عنه لأنه مش متأكد إن عقده فيه بند يسمح له بالرحيل”
التعليقات