ياسر إبراهيم لاعب الأهلي كشف عن رأيه في الفرق بين نادي الزمالك والأهلي بعد انتقاله للأحمر، وذلك خلال ظهوره في برنامج رامز ليفل الوحش مع رامز جلال، اللي بيتعرض على قناة mbc مصر.
قال ياسر إبراهيم: “في الأهلي بتحس إنك عايز تكسب بطولات”
الفوبيا اللي عند ياسر إبراهيم
في نفس الحلقة، ياسر إبراهيم اتكلم عن الفوبيا اللي عنده، أو الحيوان اللي بيخاف منه بشكل كبير، لما سألته رامز عن الموضوع ده، قال: “بخاف من التعابين”، ورد رامز ضاحك: “للأسف مجبتش تعابين السنة دي”
اللاعب اللي أثر غيابه على الأهلي
ياسر إبراهيم كمان اتكلم عن المدافع اللي الأهلي فقده وأثر رحيله على الفريق، وذكر في الحلقة لما سأله رامز: “مين اللي أثر غيابه على الدفاع؟ محمد عبدالمنعم ولا رامي ربيعة؟”، رد ياسر: “محمد عبدالمنعم”
لاعب الزمالك اللي ياسر إبراهيم بيخاف منه
وفي سياق آخر، ياسر إبراهيم كشف عن اللاعب الوحيد اللي بيخاف منه في الزمالك، وأجاب على سؤال الإعلامية ألين واطفة، وقال: “سيف الدين الجزيري”
مقدمة رامز جلال لياسر إبراهيم
رامز جلال قدم ياسر إبراهيم بطريقة ظريفة في الحلقة، وقال: “مقاوم للخصوم وبيعملهم ارتباك.. تصرفاته بقت غريبة، ولما صاحبه ياخد رجل الماتش يتقمص ويتخانق، عشان كده قررت أقص له الجناحات وأعلمه اللوائح والقوانين، معانا ومعاكم السرد باك اللئيم اللي محتاج تقويم، اللي هنطلع عليه الجديد والقديم.. ناصر إبراهيم”
التعليقات