توروب: مهاجمو الأهلي متساوون وعليهم تقدير دورهم بشكل صحيح

تحدث ييس توروب، المدير الفني للنادي الأهلي، عن حزنه بعد الهزيمة من طلائع الجيش بهدفين لهدف، في مباراة كانت مؤثرة على ملعب الكلية الحربية.

تصريحات توروب خلال المؤتمر الصحفي

قال توروب في المؤتمر الصحفي بعد المباراة: “مبروك لفريق طلائع الجيش على الفوز، مش هحاول أبحث عن مبررات للخسارة، وقلت للاعبين قبل المباراة إن اللقاء ده مهم جدًا، وكان لازم نكون في وضع جيد قبل نهاية المرحلة الأولى من الدوري”

وتابع المدير الفني: “أداء الشوط الأول كان جيدًا وصنعنا فرص كتير، لكن في الشوط الثاني فقدنا جزء كبير من طاقتنا، ولم يكن عندنا حلول، وأهدرنا فرص كثيرة، في حين المنافس استغل فرصتين وسجل هدفين، وإحنا بنحتاج عدد كبير من الفرص عشان نسجل هدف، عشان كده خسرنا النهارده”

وأضاف المدرب الدنماركي: “في الشوط الأول كنا هجوميين ومش سايبين المنافس يسجل، لكن في الشوط الثاني ماكنش عندنا تنظيم كفاية، ومنحنا المنافس فرصة الفوز، وكفريق مش ممكن نهاجم بخمسة لاعبين وندافع بنفس العدد، لازم نكون كلنا في الهجوم والدفاع ككتلة واحدة”

وأكمل توروب: “تحدثت مع المهاجمين الثلاثة هذا الأسبوع وأبلغتهم إن مفيش فارق كبير بينهم، لذلك بحاول أحفزهم عشان يقدموا أفضل ما عندهم، وقررت أشرك محمد شريف بعدما شفت مروان عثمان بيلعب أكثر من مباراة من غير تسجيل، وكنت عايز استغلال كرات زيزو”

واستطرد: “صحيح عندنا مشكلة في تسجيل الأهداف، وبنفتقد لمهاجم يقدر يترجم الفرص لأهداف، وأنا أتحمل مسؤولية الخسارة وقلت للاعبين كده، لكن في نفس الوقت بحميهم”

وأردف: “كان عندنا حمزة عبد الكريم وكان لاعب واعد جدًا لكنه دلوقتي مش مهم، وبالنسبة للاعبين الشباب اللي اشتغلت معهم مفيش مهاجم لفت انتباهي”

واختتم: “الجماهير مش بس مش راضية عن الأداء، كلنا كده، قدامنا 6 مباريات حاسمة، ولازم كل واحد يبص لنفسه ويعرف تقصيره عشان نرجع للطريق الصحيح ونتنافس على التأهل لدوري أبطال إفريقيا”