أحمد أبو مسلم، نجم الأهلي السابق، قال إن الفريق مش محتاج يتعاقد مع أحمد سيد زيزو وأشرف بن شرقي، لأن عنده لاعبين قادرين على تنفيذ الأدوار المطلوبة منهم، وكمان رواتب اللاعبين المتفاوتة هي السبب في الأزمات اللي بتحصل الفترة دي.
في حديثه مع الإعلامي محمد طارق أضا في برنامج «الماتش» على قناة «صدى البلد»، قال أبو مسلم: “الأهلي مش محتاج لزيزو ولا بن شرقي، حسين الشحات وطاهر محمد طاهر بيؤدوا بشكل كويس، ومحمد عبد الله اللي انتقل لسيراميكا كان ممكن يغني الفريق عن الصفقات دي”
وأضاف: “في انفلات في غرفة الملابس بسبب اختلاف الرواتب بين اللاعبين، بنشوف زيزو أحيانًا مش عايز يسلم على حد، وكان جوزيه زمان مسيطر على الأوضاع بشكل أفضل”
وتابع: “فين شخصية لاعبي الأهلي؟ كنا بنفوز في آخر دقيقة زمان، في مشاكل واضحة في بعض المراكز، وكمان المدرب مش مقتنع ببعض اللاعبين اللي اتعاقد معهم مؤخرًا”
أبو مسلم أكد كمان على أهمية وجود رأس حربة قوي، وقال: “الأهلي مش متعاقد مع مهاجم مؤثر، والفرصة لضم لاعب يفيد الفريق انتهت”
وأنهى تصريحاته بقوله: “الأهلي استغنى عن عمر كمال عبد الواحد وتعاقد مع أحمد عيد، وده قرار مش موفق وأعتبره تهريج”
التعليقات