أكد أحمد حسام ميدو نجم الزمالك السابق، أن خسارة الأهلي الأخيرة لم تكن مفاجئة بالنسبة له، ووضح أن أداء الفريق في المباريات الماضية كان ينذر بالهزيمة، وانتقد توازن الفريق واختيارات اللاعبين.
كتب ميدو عبر حسابه على “إكس”: “خسارة الأهلي غير متوقعة، لكن أي حد متابع الفريق في الماتشات اللي فاتت كان متوقع إن في خسارة جاية، ماتش إيه مش عارف”
وتابع: “في عدم توازن في الفريق، عدد لاعيبة كتير في مراكز واحدة، وفقر في عدد لاعيبة مميزة في مراكز ثانية، المدرب عادي جدًا، ولما قلت عليه قبل ماتش السوبر إنه مدرب صعب ينجح مع الأهلي الناس هاجمتني”
في نفس السياق، طارق العبدلي قال لـ”أحداث اليوم”: “مستوى الأهلي الحقيقي يظهر في إفريقيا، وسيفقد 50% من قوته أمام الترجي”
وأضاف ميدو في تغريدة أخرى: “جمهور الكورة في مصر بيحب اللاعيبة الجامدة الحريفة اللي بيروح المدرج مخصوص يتفرج عليها، جيبولي لعيب واحد في الأهلي ممكن المشجع العادي يدفع ثمن تذكرة علشان يستنى الكورة تجيله”
واختتم: “الحقيقة ولا لعيب، الناس بتسأل ليه جمهور الأهلي ما بيروحش الملعب، والإجابة واضحة: مفيش في الفرقة لاعيبة حريفة الجمهور يتعلق بيها”
وخسر الأهلي أمام طلائع الجيش بهدفين مقابل هدف، في لقاء الجولة الـ15 المؤجل من عمر المرحلة الأولى للدوري المصري الممتاز، وبالخسارة دي فقد الأهلي ثلاث نقاط ثمينة في صراع المنافسة على اللقب، ويحتل المركز الثالث برصيد 40 نقطة.
التعليقات