محمد عبد الوهاب، عضو مجلس إدارة الأهلي الأسبق، عبّر عن استيائه من غياب روح الفانلة الحمراء في الفترة الأخيرة، وأكد إن أداء الفريق في المباريات مش زي ما متوقعين.
قال عبد الوهاب، خلال لقاء مع برنامج “النجوم في رمضان”: “فين الأهلي يا جماعة؟ فين الروح؟ الفانلة الثقيلة دي مش سهلة على أي حد، لو جبت 11 واحد من الجمهور، ممكن يلعبوا أحسن من اللي لعبوا مبارح”
وأضاف: “مش دا الأهلي اللي موت نفسي عشانه، مبقتش أقدر أتابع المباريات بسبب الوضع الحالي”
هيتسحروا فين
وتكلم عن مصطفى يونس وهو بيعيط بعد الهزيمة، مستغرب ليه مفيش حد زعلان، وكانوا مشغولين بالتفكير في هيتسحروا فين أو هيعملوا إيه على السوشيال.
البرنامج بتقدمه الإعلامية نجلاء حلمي على إذاعة الشباب والرياضة، وترأس تحريره الكاتب الصحفي وليد قاسم، ويذاع أيام الجمعة والسبت والأحد والثلاثاء في شهر رمضان.
التعليقات