أكد محمد عبد الوهاب، عضو مجلس إدارة الأهلي السابق، أنه مش ناوي يدخل انتخابات النادي الأحمر حتى لو محمود الخطيب، رئيس النادي الحالي، اتصل بيه.
قال عبد الوهاب خلال ظهوره في برنامج “النجوم في رمضان”: “ما كنتش هقدر أنزل الانتخابات الأخيرة، لكني كنت هنجح بفضل شعبيتي، لكني رفضت لأنني عايز أنجح وأشتغل، ودلوقتي هشتغل مع مين؟”
وأضاف: “شفنا ناس كتير دخلت المجلس ومسبتش أي بصمة، لكن أنا دخلت وعملت إنجازات مش بس في الصفقات، اشتغلت في عهد صالح سليم وحسن حمدي.”
وتابع عبد الوهاب: “عملت لجنة العضوية اللي شغالة لحد دلوقتي، واشتغلت في التسويق، ولو الخطيب كلمنا وقال لي أنزل معاه في نفس القائمة هرفض تماماً.”
الإعلامية الكبيرة نجلاء حلمي بتقدم برنامج “النجوم في رمضان” عبر إذاعة الشباب والرياضة، ويترأس تحريره الكاتب الصحفي وليد قاسم، والبرنامج يذاع أيام الجمعة والسبت والأحد والثلاثاء طوال شهر رمضان المبارك.
التعليقات