مدرب نيوكاسل ينتقد ضربة جزاء برشلونة ويصف النهاية بالصعبة

شكك إيدي هاو، مدرب نيوكاسل، في صحة ركلة الجزاء اللي حصل عليها برشلونة في المباراة اللي جمعت الفريقين مساء الثلاثاء بدوري أبطال أوروبا.

نيوكاسل كان متقدم بهدف في الدقيقة 86، لكن برشلونة تعادل عن طريق لامين يامال من ضربة جزاء في الوقت المحتسب بدلًا من الضائع.

هاو قال في حديثه لقناة “TNT Sports”: “أعتقد أننا قدمنا أداءً استثنائيًا، وأظهرنا حماسًا عاليًا، صحيح إن اللحظة الأخيرة كانت محبطة، لكنها تبقى واحدة من أفضل عروضنا”

وعن ركلة الجزاء، علق: “أعتقد إنها لم تكن دقيقة، لكن كان فيه تلامس، ومن الصعب تقبل نهاية المباراة بهذا الشكل”

كمل حديثه: “كنا منظمين، ولا يُعقل نستقبل هدف زي ده، هنراجع اللقطة، بس ما ينفعش تظل عالقة في ذهننا بعد 93 دقيقة قدمنا فيها مستوى عالي”

وأشار: “كان عندنا فرصة للتسجيل قبل كده، المباراة أظهرت إننا قادرين على ده، بس محتاجين نبذل جهد أكبر قبل ما نروح ملعبهم، إحنا قادرين على تحقيق ده، بس لازم نكون في أفضل حالاتنا”

في نفس السياق، هاو أكد: “من واجبي أشجع اللاعبين، وللأسف اضطرينا نعمل كده كذا مرة الموسم ده، لكن ما ينفعش حد يشكك في قوة شخصيتنا، هنكون جاهزين للمباراة الجاية، وإحنا مؤمنين بنفسنا وبقدراتنا، وده ظهر النهاردة”

وأخيرا، بخصوص مباراة الإياب في “كامب نو”: “لازم نؤمن، والمباراة هناك هتكون مختلفة تمامًا، لكن إحنا أظهرنا إننا قادرين نسبب لهم مشاكل، ولازم نروح هناك ونحاول نعمل نفس الشيء”