قال معتمد جمال، مدرب الزمالك، إن مباراة إنبي كانت صعبة على الفريقين، وملهاش فرص كتير على المرمى.
وأضاف في المؤتمر الصحفي بعد المباراة: “كنت عارف إنه لو تأخرنا في التسجيل هنعاني، ولازم نستغل أي فرصة، كمان إنبي كان عنده ركلتين جزاء وفرص من كرات ثابتة، والزمالك مكنش في أفضل حالاته النهاردة”
وتابع: “الملعب كان صعب جدًا، وانتشار اللاعبين في وسط الملعب خلى بناء الهجمات بطيء، وكان في أكتر من لاعب مش موفق في المباراة، وعندي لاعبين يقدروا يلعبوا في مركز 6”
ومن ناحية تانية، قال معتمد جمال: “هنقفل ملف الدوري مؤقتًا عشان نركز في مباراة أوتوهو الكونغولي في كأس الكونفدرالية الأفريقية”
وأضاف: “كنت بفكر أدخل شيكو بانزا، لكنه محتاج مساحات أكتر، ومن الوارد إنه يخسر الكرة مرة أو اثنين، وكنت هخسر لاعب مهم، وبيزيرا يمكن مكنش في أفضل حالاته، لكنه عنده مهارات تقدر توصل اللاعبين للمرمى”
واختتم مدرب الزمالك حديثه قائلًا: “حاولنا نعدل موعد مباراة إنبي بسبب لقاء الكونفدرالية، لكن طلبنا اترفض، وده مش مبرر، ولازم نركز في المباريات الجاية”
التشكيل الرسمي لمباراة الزمالك وإنبي
تشكيل الزمالك
حراسة المرمى: مهدي سليمان
خط الدفاع: محمود بنتايج – حسام عبد المجيد – محمد إسماعيل – محمد إبرهيم
خط الوسط: أحمد ربيع – أحمد فتوح – محمد السيد – عبد الله السعيد
خط الهجوم: ناصر منسي – خوان بيزيرا
ويتواجد على مقاعد البدلاء، محمد صبحي والسيد أسامة وبارون أوشينج ويوسف وائل “فرنسي” وأحمد عبد الرحيم “إيشو” وآدم كايد وشيكو بانزا وسيف الجزيري وعدي الدباغ.
تشكيل إنبي
حراسة المرمى: عبد الرحمن سمير
خط الدفاع: أحمد كالوشا – هشام عادل – مهاب سامي – أحمد صبيحة
خط الوسط: أحمد العجوز – زياد كمال – علي محمود – حامد عبد الله
خط الهجوم: محمد شريف – أقطاي عبد الله
ويتواجد على مقاعد البدلاء كلا من: رمضان مصطفى، محمود كهربا، عماد ميهوب، أحمد ذكي، سيد سعيد، محمد شرقية، سليماني جاريا، محمد جولدي، صلاح زايد
التعليقات