تحدث معتمد جمال، المدير الفني لفريق الزمالك، عن الخسارة أمام إنبي في المباراة اللي جمعتهم يوم الأربعاء في الدوري المصري الممتاز.
| النتيجة | إنبي 1 – 0 الزمالك |
| الجولة | الجولة الخامسة عشر |
في المؤتمر الصحفي بعد المباراة، قال معتمد جمال إن المباراة كانت صعبة على الفريقين، وما كانش فيها فرص كتير على المرمى.
وأضاف: “كنت عارف إنه لو تأخرنا في التسجيل هنعاني، وكان لازم نستغل أي فرصة، وإنبي حصل على ركلتين جزاء وكمان فرص من كرات ثابتة، والزمالك لم يكن في أفضل حال”.
وتابع: “الملعب كان صعب جدًا، وانتشار اللاعبين في وسط الملعب أثر على سرعة بناء الهجمات، وكان في أكتر من لاعب مش موفق في المباراة، وعندي أكتر من لاعب يقدر يلعب في مركز 6”.
ومن ناحية تانية، قال معتمد جمال إنه هيركز دلوقتي على مباراة أوتوهو الكونغولي في كأس الكونفدرالية الأفريقية، بعد ما قرر يغلق ملف مباريات الدوري مؤقتًا.
وأكمل: “كنت بفكر أستخدم شيكو بانزا، لكنه محتاج مساحات أكتر، وممكن يخسر الكرة مرة أو اتنين، وده هيسبب لي خسارة لاعب مهم، وبيزيرا يمكن مش في أفضل حال، لكنه عنده مهارات ممكن يستغلها في توصيل اللاعبين للمرمى”.
واختتم المدير الفني: “حاولنا نعدل موعد مباراة إنبي بسبب لقاء الكونفدرالية، لكن طلبنا اترفض، وده مش مبرر، ولازم نركز في المباريات الجاية”.
التعليقات