في قصة غريبة شغلت السوشيال ميديا، ظهرت رنا أحمد ببوست طويل على إنستجرام تتحدث فيه عن علاقتها مع حارس مرمى الأهلي ومنتخب مصر محمد الشناوي، وعلقت إنها كانت صامتة فترة طويلة لكن حان الوقت لتوضح الحقيقة.
رنا قالت في منشورها: «سكتت كتير احترامًا لنفسي، لكن كفاية كده، ورغم التعليقات السلبية اللي شفتها وناس بتهاجمني، قررت أتكلم وأوضح الحقيقة اللي حصلت بيني وبين محمد الشناوي».
وأضافت: «الموضوع ما كانش مجرد تعارف أو كلام عادي، لأ ده وصل لارتباط وجواز بشكل سري، وصاحبه كان شاهد على كل حاجة، ووافقت على الكلام ده لأنه قال لي إنه هيعلن عن جوازنا بعد فترة، لكن الأمور اتغيرت وبدأ يحصل ضغط عليا علشان أسكت».
وتابعت: «لما قلت إني ممكن أكشف الحقيقة، اتعرضت لتهديدات إنهم هيرفعوا عليا قضية تشهير، وبعد ما شافوا إني مصممة على قراري، بعت لي واحد اسمه كريم رزق، مدير السوشيال ميديا في النادي، وعرض علي فلوس مقابل إني أسكت».
رنا أكدت إنها محتفظة بكل الرسائل والفيديوهات من إنستجرام وواتساب اللي تثبت كلامها، وبتفكر تنزلها كلها، مش علشان تعمل مشاكل لكن علشان توضح الحقيقة وتدافع عن نفسها، وكمان قالت لو اضطر الأمر هتعرض الأدلة بطريقة قانونية.
المنشور أحدث تفاعل واسع على السوشيال ميديا، خاصة مع تأكيدها إنها تمتلك أدلة هتظهرها قريب.
أول تحرك للشناوي
بعد تصريحات رنا، تواصلت أحداث اليوم مع مصدر مقرب من محمد الشناوي، وأكد المصدر إن الشناوي هيتخذ كل الإجراءات القانونية ضد رنا لنفي زواجهم.
حذف الاستوري والفبركة
بعد نشر تصريحات المصدر، رنا أحمد حذفت الاستوري نهائي بعد ما كشف الخبير التكنولوجي المهندس محمد مغربي عن فبركة صورها مع الشناوي باستخدام الذكاء الاصطناعي.
كتب مغربي عبر صفحته إن الصور المنتشرة مع الشناوي مش حقيقية ومتفبركة ببرامج AI، ونصح الناس اللي شاكين في صورة يستخدموا مواقع وأدوات للتحقق من الصور.
بيان رسمي من المحامي
بعد ساعات، أصدر مكتب محمد واصل، محامي الشناوي، بيان رسمي قال فيه إنهم هيقوموا باتخاذ كل الإجراءات القانونية ضد أي شخص ينشر أخبار كاذبة للتشهير والشهرة، وإنهم هيستمروا في ملاحقة كل التداعيات غير الأخلاقية والمفبركة بالكامل.
التعليقات