كشف معتز إينو لاعب الأهلي السابق عن تفاصيل صفقة انتقال أحمد سيد زيزو إلى النادي الأهلي بعد انتهاء علاقته بنادي الزمالك الصيف الماضي.
قال معتز إينو في تصريحات لقناة النهار: “بقولها باستمرار، الانتماء مش موجود دلوقتي، اللاعب بيدور على مصلحته، وكلام تقبيل القميص ده كله كلام فاضي، وأنا مسؤول عن كلامي”
وأضاف: “الدليل إن أي لاعب لما يجيله عرض مغري بيمشي، والأمثلة كتير، زي رمضان صبحي وإمام عاشور وأشرف بن شرقي، والنهاردة زيزو كمان”
وتابع: “زيزو عقده كان هيخلص بعد سنة، والزمالك كان عارف كده، ليه ما جددوش عقده؟”
وواصل: “ممكن زيزو كان عايز مبلغ معين، وكان ممكن يتفقوا على التفاصيل، لكن يمكن كان عايز تجربة جديدة أو استقرار، أو شاف بعض المشاكل في الزمالك، فقرر يمشي لمكان تاني”
وأضاف: “لو الأهلي ما حطش فلوس، وزيزو كان عارف إن الزمالك ممكن يدفع له، كان ممكن الأمور تتغير”
وعن نصيحته لزيزو بالانتقال للأهلي، قال: “مفيش مرة اتكلمت معاه في الموضوع ده، زيزو مش صديقي عشان أقول له روح الأهلي”
واختتم: “مصلحتيش أنصح لاعب إنه يروح هنا أو هناك، الموضوع مش شغلي، واللاعبين مش صغار عشان أوجههم، سواء زيزو أو كهربا أو مؤمن زكريا أو صبري رحيل أو غيرهم”
التعليقات