ميسي بقى حديث الساعة في برشلونة، والجدل حوالين مستقبله زاد بشكل كبير بين المرشحين لانتخابات النادي خوان لابورتا وفيكتور فونت، وكل واحد عنده رأي مختلف في كيفية تكريمه.
لابورتا، الرئيس السابق لنادي برشلونة، عاوز يكرم ميسي بشكل يليق به، وعايز الملعب يكون مليان جماهير للاحتفال بإرثه الكبير.
وفي تصريحات لصحيفة “سبورت” الإسبانية، قال لابورتا: “احنا شغالين على حفل تكريم يليق بميسي، الوقت مناسب للحديث عن الحاضر والمستقبل، من الأفضل نركز على لامين وكوبارسي وبيدري وبقية الفريق، مع احترامي لميسي، لكن مش مفروض نستخدمه في الانتخابات”
في نفس السياق، فونت له رأي مختلف تمامًا، وبيقول إن ميسي لازم يكون له دور أكبر في مستقبل النادي، واتهام لابورتا إنه مش مقدر قيمة ميسي: “ميسي عاوز التغيير، احنا شغالين على المصالحة معاه، وعندنا مشروع للمستقبل معاه من سنتين، لكن لابورتا بيتكلم عنه وكأنه جزء من الماضي”
فونت كمل حديثه عن ميسي وقال: “عايزينه يمثل برشلونة كرئيس فخري، زي يوهان كرويف لفترة، وعايزين نربط ميسي بعلامة برشلونة التجارية، ده هيجيب لنا ملايين زي ما حصل مع جوردان ونايكي، وعايزين نحل جرح رحيله، ونشوف أفضل طريقة لتوديعه، وممكن يلعب شوية مباريات في الشهور الجاية”
فونت كمان اتهم لابورتا إنه استغل ميسي في حملته الانتخابية في 2021 قبل ما يفشل في تجديد عقده.
لابورتا من ناحيته نفى كلام فونت عن محادثاته مع مانشستر سيتي بشأن إيرلينج هالاند، وأكد إن وكيلة اللاعب نفت الكلام ده، واعتبر إن فونت مش مدرك اللي بيقوله.
التعليقات