أكد عمر جابر، لاعب الزمالك، إن مواجهة أوتوهو مش سهلة بسبب الظروف الصعبة اللي بيعيشها الفريق بره أرضه.
ويلتقي الزمالك مع أوتوهو في ذهاب ربع نهائي كأس الكونفدرالية، في تمام الساعة 3 عصر غد السبت على ستاد الفونس ماسامبا في الكونغو برازفيل.
وقال جابر في المؤتمر الصحفي اللي اتعمل النهارده: “أوتوهو بيحقق نتائج كويسة على ملعبه، وده شيء لازم نحترمه، لكن هدفنا هو تحقيق نتيجة إيجابية قبل لقاء الإياب في القاهرة”
وأضاف: “المباراة هتكون في رمضان وسط الصيام، وكمان على ملعب نجيل صناعي، وده بيزيد من صعوبة اللقاء، إضافة لاختلاف الطقس عن القاهرة”
وعن استراتيجية المباراة، قال: “ده شيء يخص المدير الفني، لكن الزمالك عنده مجموعة متميزة من اللاعبين، وكلنا عارفين صعوبة اللقاء وقوة المنافس على أرضه” وأكد إن التركيز عند اللاعبين على تقديم أداء جيد والعودة بنتيجة إيجابية قبل مباراة العودة
واختتم جابر حديثه بالتأكيد على إن الرؤية الفنية بالكامل تخص المدير الفني، وإن اللاعبين ملتزمين بتنفيذ تعليماته بشكل دقيق.
التعليقات