مجدي عبد الغني نجم الأهلي ومنتخب مصر الأسبق يعبر عن رأيه بوضوح، ويشوف إن المدرب الدنماركي ييس توروب مش على المستوى المطلوب ويستحق الرحيل من الأهلي.
في حديثه خلال برنامج “النجوم في رمضان” قال مجدي: “طلعت في فيديو وشتّمت توروب، لأنه فعلاً يستاهل الشتيمة، مش دا مدرب الأهلي، ومش عايز حتى يثبت نفسه”
وأضاف البلدوزر: “لو كنت مسؤول في الأهلي، كنت همشيه، بس القصة إني هادفع كام شرط جزائي، الأهلي بيصرف على لاعبين ومدربين كتير وهم قاعدين في البيت”
وتابع مجدي: “أنا مش بروح الأهلي خالص، مفيش وقت ومش بحب أروح مكان مش مرتاح فيه، أنا نجم كبير في الأهلي غصب عن التخين، ومش بيتم دعوتي لأي مناسبة، وده تقصير من المسؤولين وبيقلل منهم، مش مني أنا، وببعت حد يجدد الاشتراك وخلاص”
برنامج “النجوم في رمضان” تقدمه الإعلامية الكبيرة نجلاء حلمي عبر إذاعة الشباب والرياضة، ويترأس تحريره الكاتب الصحفي وليد قاسم، ويذاع أيام الجمعة والسبت والأحد والثلاثاء طوال شهر رمضان المبارك.
التعليقات