أعلن مجدي عبد الغني، نجم الأهلي ومنتخب مصر الأسبق، أنه مش ناوي يخوض انتخابات النادي الأهلي نهائيًا.
وقال عبد الغني خلال استضافته في برنامج “النجوم في رمضان”: “مش هنزل انتخابات الأهلي خالص، العملية مبقتش انتخابات، وأنا مش عايز اللعبة دي”.
وفي نفس السياق، أضاف “البلدوزر”: “في سنة 89، هيديكوتي قرر إن الخطيب يبقى كابتن الأهلي ومفيش أقدمية، وده عمل ثورة بسبب القرار ده، لأننا طول عمرنا ماشين على نظام، مش معقول لاعب عشان هو حريف يبقى الكابتن، إحنا لعبة جماعية مش فردية، وفي نظام أقدمية”.
وتابع مجدي عبد الغني: “ولو حسن حمدي ماوقفش للموضوع ده، كان الأهلي وقع، أي حد ممكن يمسك الأهلي ويعمل حاجة لأن عندنا كل مقومات النجاح”.
برنامج “النجوم في رمضان” تقدمه الإعلامية الكبيرة نجلاء حلمي عبر إذاعة الشباب والرياضة، والبرنامج يذاع أيام الجمعة والسبت والأحد والثلاثاء طوال شهر رمضان المبارك.
التعليقات