ديكو يكشف عن مستقبل راشفورد مع برشلونة ويستعرض موقف التعاقد مع جوليان ألفاريز

ديكو، المدير الرياضي لنادي برشلونة، اتكلم عن الانتخابات اللي شغالة النهارده لاختيار رئيس جديد للنادي، وكمان تطرق للصفقات المحتملة الصيف الجاي.

العملية الانتخابية بدأت النهارده، زي ما كان متخطط ليها في 15 مارس، والمنافسة بين فيكتور فونت وخوان لابورتا على رئاسة مجلس إدارة البلوجرانا.

ديكو قال في تصريحات لصحيفة “سبورت”: “ألفاريز مهاجمي المفضل؟ لا، مفيش لاعب مفضل دلوقتي، الوقت مش مناسب للحديث عن ده، لسه قدامنا حاجات كتير، وفي أسئلة لسه محسمناهاش”

وزاد: “دائمًا بقول إن ثلاثة أشهر في كرة القدم تعتبر زمن طويل، ومش عارفين هيحصل إيه لحد نهاية الموسم، لازم نركز على اللي عندنا، نخلص الانتخابات النهارده ونشوف الأمور هتخلص إزاي، بعدين هنجلس مع المدرب ونتكلم مع النادي عن اللعب المالي النظيف وكيف هنتعامل مع الموسم الجاي، وبعدها هنتخذ قراراتنا”

وأردف: “في لاعبين كويسين بره النادي، لكن عندنا كمان لاعبين جيدين هنا، لسه ما فزناش بحاجة، وما زلنا بننافس على الدوري ودوري الأبطال، عشان كده التقييم الحقيقي هيجي بعدين”

وعن الصفقات بشكل عام، قال: “النادي في حالة نمو وتطور، وهدفنا هو المنافسة، برشلونة مش كفاية إنه يحط مشروع، لازم كمان يحقق انتصارات”

وشدد: “خلال السنين اللي فاتت، حاولنا نبني حاجة للحاضر مع أمل إن المستقبل يكون أفضل، اخترنا دايمًا طريق واضح وهو عدم بيع اللاعبين، ولازم نحسن الفريق بدل ما نضعفه، الفكرة مش في بيع اللاعبين، بل استعادة بعضهم وإدخال لاعبين جداد بالتدريج، وأعتقد إننا في الاتجاه الصحيح”

واستكمل: “صحيح إن كل الأندية بتعمل تغييرات كل سنة، السنة الجاية كمان هنقوم ببعض الأمور، لكن بهدف الإضافة والتحسين، مش إخراج اللاعبين، مش في وضع يسمح لنا ببيع كتير من اللاعبين، والهدف هو التطور دايمًا”

وعن راشفورد، قال: “عندنا رؤية واضحة بالنسبة له، وعارفين اللي كان لازم نعمله عشان يستمر، لكن الموضوع مرتبط باللعب المالي النظيف، والأولويات، والأداء، والتقييم مع المدرب، وده لسه ما حصلش لأنه مش الوقت المناسب”

وعن التعاقد مع كانسيلو، قال: “جواو ساعدنا كتير في فترة تشافي، لكن لما الفريق ما يحققش الأداء المطلوب، طبيعي إن اللاعبين يتعرضوا للانتقاد، ده برشلونة والضغط هنا دايمًا كده”

وشدد: “لكنه لاعب مختلف ويقدر يقدم الكثير، لما فكرنا في التعاقد معه في يناير، ما كانش عندنا حلول كتير بسبب اللعب المالي النظيف، ولما جات فرصة قدومه وكان اللاعب مستعد يبذل جهد، كنا عارفين إنه هيقدر يقدم لنا أكثر من مركز”

وأتم: “يقدر يلعب في أكتر من موقع، وحتى كقلب دفاع لو احتجنا، في النهاية كان الموضوع متعلق بإدارة التشكيلة وتحسين مستوى الفريق، وده حصل، لكن بعد كده لازم اللاعبين يثبتوا الفكرة اللي عندنا عنهم، وأعتقد إن جواو بيساعدنا كتير”