كشف أسامة نبيه نجم الزمالك ومنتخب مصر الأسبق عن تلقيه دعوة إفطار من جماهير الزمالك بعد انتهاء الأزمة بينهم.
وقال أسامة نبيه خلال استضافته في برنامج “النجوم في رمضان” إن الجمهور كان زعلان منه بسبب رحيل ابنه يوسف عن الزمالك، ومهما حاول يشرح الموضوع تفاصيله مش هتوصل للناس بشكل صحيح.
ويضيف نبيه إن عقد يوسف انتهى وحاول يتواصل مع المسؤولين قبل فترة الفراغ الإداري، ووضح إن العقد كان ضعيف، لكن ما حصلش أي رد فعل، وبالتالي الجمهور زعل منه، لكنه سعيد بالدعوة اللي وصلته اليوم في المريوطية وناوي يحضر.
وتابع نبيه إن ابنه له وجهة نظره الخاصة وبيشاركه الرأي لكن القرار الأخير هو اللي ياخده، ولو رجع به الزمن كان هيحاول يمنعه من الرحيل عن الزمالك، لكن قدر الله وما شاء فعل، ولسه الكورة فيها كتير، والعلاقة بينهم وبين الزمالك كبيرة.
وأكمل نبيه بتمنياته بعودة يوسف للزمالك، وصرح إنه لازم يشتغل على نفسه ويرجع يوسف بتاع زمان، وعنده فرصة حالياً في زد عشان يرجع تاني.
برنامج “النجوم في رمضان” تقدمه الإعلامية الكبيرة نجلاء حلمي عبر إذاعة الشباب والرياضة، ويترأس تحريره الكاتب الصحفي وليد قاسم، ويذاع أيام الجمعة والسبت والأحد والثلاثاء طوال شهر رمضان المبارك.
التعليقات