كشف مصدر من نادي الزمالك عن تفاصيل العرض اللي جاله النادي في صيف 2024 من نادي نيوم السعودي لضم أحمد مصطفى “زيزو” لاعب الفريق الأول في الوقت ده.
قال المصدر إن العرض كان قيمته خمسة ملايين و500 ألف دولار، وكان هيتم دفعهم على دفعات مش دفعة واحدة زي ما أثير في الفترة الأخيرة.
من ناحية تانية، المصدر أوضح إن فيه كلام عن وجود شرط جزائي بقيمة 10 ملايين جنيه لو قرر “زيزو” يرجع لأي فريق مصري، الزمالك كان عايز الشرط ده يكون ملزم لكن نادي نيوم رفض، خصوصًا إنهم ممكن يلتفوا حول البند ده عن طريق فسخ اللاعب لعقده والعودة لأي نادي مصري من غير دفع أي مبلغ للزمالك.
المصدر أكد إن توقيت العرض كان قبل أسابيع من مباراة السوبر الأفريقي ضد الأهلي، وكان الهدف وقتها الحصول على البطولة، ولو تم بيع “زيزو” في التوقيت ده كان هيبقى فيه غضب جماهيري كبير.
وفي السياق نفسه، مجلس إدارة الزمالك بيفكر في مصلحة الفريق أولًا، وبيسعى لتوفير كل الإمكانيات اللازمة علشان يحقق الأهداف المطلوبة.
المصدر أكد إن الزمالك أغلق ملف رحيل “زيزو”، لكن النادي متمسك بالحصول على حقه في الشكوى المقدمة ضد اللاعب أمام لجنة شؤون اللاعبين.
التعليقات