تداولت بعض الصفحات على السوشيال ميديا أخبار عن تغيير جداول امتحانات شهر مارس لطلاب الصفوف الرابع والخامس والسادس الابتدائي، والحديث عن امتحان واحد يجمع كل المواد، لكن الأمر ليس صحيحًا.
حقيقة تعديل امتحانات مارس للابتدائي
أكد شادي زلطة، المتحدث باسم وزارة التربية والتعليم، أن الكلام ده مش دقيق، وأوضح أنه مفيش أي قرار رسمي بخصوص امتحان موحد لكل المواد الدراسية في اختبار واحد، وأضاف أن امتحانات مارس هتستمر بنفس النظام اللي تم الإعلان عنه قبل كده، والطلاب هيؤدوا الامتحانات بشكل منفصل لكل مادة وفق الجداول اللي بتعلنها المديريات التعليمية في كل محافظة.
ومن ناحية تانية، شدد زلطة على أهمية التحقق من المعلومات وعدم الانسياق وراء الشائعات، وطلب متابعة البيانات الرسمية من الوزارة علشان نكون على دراية بالمعلومات الصحيحة، وطمأن الجميع أن الامتحانات هتستمر حسب الخريطة الزمنية المعتمدة من غير أي تغييرات جديدة.
التعليقات