برناردو سيلفا، نجم مانشستر سيتي، أصبح حديث الصحف بعد ما انتشرت أخبار عن اقترابه من الرحيل، والأندية الأوروبية الكبرى تسعى لضمه في الانتقالات الصيفية الجاية.
عقد سيلفا مع مانشستر سيتي ينتهي في يونيو، وما فيش أي مؤشرات على تجديده، وده خلّى أندية زي برشلونة تتطلع لضم اللاعب.
ومن ناحية تانية، صحيفة “جازيتا ديلو سبورت” الإيطالية ذكرت أن يوفنتوس مهتم جدًا بالتعاقد مع برناردو سيلفا في الصيف، وبيحاولوا إغرائه بثلاث أوراق رابحة بدل ما يركزوا على الجانب المالي.
الأوراق دي تشمل سحر اليوفي، وطموحهم في بداية حقبة جديدة من النجاحات، وعرض يوضح اهتمام النادي بسيلفا، وراتبه هيكون من 7 ل 8 مليون يورو سنويًا.
وكيل أعماله، خورخي مينديز، اتبلغ من يوفنتوس أنهم مستعدين يعملوا أي حاجة، حتى لو كان لازم يتجاوزوا قاعدة العقود للاعبين فوق الثلاثين، عن طريق عرض لمدة 3 أو 4 سنين.
برناردو أبدى تقديره لفكرة الانتقال ليوفنتوس، لكنه لسه مش حسم قراره، لأنه حابب يغير الأجواء وعايز تجربة جديدة في مسيرته، واليوفي خيار مثير للاهتمام لكنه مش الخيار الوحيد.
سيلفا عاوز يفكر كويس في الموضوع، لأنه تحت أنظار أندية تانية زي برشلونة وبنفيكا وجالطة سراي، بالإضافة لأندية عربية ودوري كرة القدم الأمريكي.
وأكد برناردو سيلفا إنه مش هيقدر ياخد قرار قبل نهاية أبريل، فالجميع مستني يعرف اختياراته الجاية.
التعليقات