محمد أبو تريكة، نجم الكرة المصرية والأهلي، عنده رأي واضح عن محمد صلاح، نجم ليفربول، ويقول إنه لسه قادر على الأداء في أعلى مستوى، لكن محتاج يغير مركزه في الفترة الجاية.
مستوى صلاح نزل بشكل ملحوظ مع ليفربول هذا الموسم، وتعرض لانتقادات كثيرة، وده ممكن يخليه يفكر في الرحيل عن النادي الإنجليزي في الميركاتو الصيفي الجاي.
أبو تريكة عبر استوديو بي إن سبورتس قال إن صلاح محتاج مدرب يدعمه في المرحلة الحالية من مسيرته.
وقال أبو تريكة: ”صلاح لسه قادر على العطاء في السنتين الجايين، لكنه لازم يتأقلم مع تقدم السن والتغييرات في جسمه، محتاج وقت للتكيف”
وأضاف: ”صلاح كان مميز في الشوط الثاني أمام جالطة سراي، وكان قريب من المرمى، عشان كده مش لازم يلعب كجناح، لأنه سرعته قلت وممكن يواجه صعوبات مع المدافعين، لازم يبقى قريب من العمق عشان نستفيد منه”
وأوضح: ”صلاح محتاج يلعب كمهاجم ثاني أو مهاجم صريح، ولازم يكون صبور، لأنه في العمق مش هيوصل له كرات كتير، لكن عنده الخبرة الكافية عشان يتأقلم”
واختتم: ”لما اللاعب يتقدم في السن، محتاج مدرب يوجهه، صلاح محتاج حد زي جوارديولا يقوله يتحرك فين ويطور مستواه، مش زي سلوت”
التعليقات