توروب بعد خروج الأهلي من إفريقيا: أتحمل المسؤولية وندرس الأخطاء

بعد خروج الأهلي من دوري أبطال أفريقيا، الدنماركي ييس توروب المدير الفني للفريق قدم اعتذار لجماهير النادي، مؤكدًا تحمله المسئولية عن النتيجة المخيبة.

في المؤتمر الصحفي بعد المباراة اللي خسر فيها الأهلي من الترجي 3-2، قال توروب: “مبروك للترجي على التأهل لنصف النهائي، أنا المسؤول عن نتيجة المباراة. بين الشوطين حسيت إننا كنا في وضع جيد وتقدمنا بهدف، لكن بعد كده حصلت أخطاء كلفتنا الأهداف.” وأضاف أنه كان متوقع أن الفريق ينزل الشوط الثاني بروح أعلى لكن الأخطاء الساذجة كانت سبب في النتيجة النهائية.

وتابع: “أنا آسف للنادي وجماهيره، كان عندنا أمل في الفوز لكن الأخطاء كانت واضحة. من السهل إن الناس تشير إلى المدرب كمسؤول عن النتائج، لكن كنا قريبين من التسجيل في بداية الشوط الثاني، لكن بعد استقبال الهدف الأول، لم نستطع عمل تغييرات مناسبة واستقبلنا الهدف الثاني.” من ناحية تانية، أكد توروب أنه هيراجع الأخطاء اللي حصلت، لأنه متفهم إن الوضع محبط للجميع.

وفي رد على سؤال عن مستقبله مع الفريق، قال: “أنا مش اللي بحدد مستقبلي هنا، هفضل أشتغل طالما الناس في النادي عاوزة وجودي. أنا مش هناقش إحصائيات، لكن لعبنا 20 مباراة من غير خسارة، وده ممكن يبقى ظالم لأن فيه مباريات كأس، لكن في النهاية إحنا خسرنا تالت مباراة على التوالي.” وأكد أن الشوط الأخير من المباراة كان فيه تشتت في تركيز اللاعبين، وده أثر على الأداء، حيث احتاجوا فرص كثيرة عشان يسجلوا، بينما المنافس استغل الفرص اللي جت له.

توروب اختتم حديثه: “الكل كان حزين بعد المباراة، أنا جبت للأهلي عشان أحقق البطولات، وبتفهم غضب الجماهير، لأن اللي حصل مش متعودين عليه. أنا المتحمل الأول لكل النتائج، وده دوري.”