إدارة الأهلي تخسر الأموال وتفقد السيطرة حسب خالد الغندور

خالد الغندور بيمرر هجوم قوي على إدارة الأهلي والجهاز الفني، وبيعتبر إن بعض القرارات أخرت استقرار الفريق بشكل واضح.

وكتب الغندور على حسابه في فيسبوك: كولر حقق ١١ بطولة لكن دلوقتي لازم يمشي، وييجي عماد عشان ينجح، وللأسف مدرب مصري مش هيقدر يسيطر على النجوم، ريبيرو ضيع هيبة الأهلي ولازم يمشي، ونجيب مدرب جديد، وكمان نجيب كامويش بدل جراديشار عشان عقده كبير ومش مؤثر، وبالنسبة للإدارة والصفقات اللي راحت وجت، الاختيار كان من الإدارة مش المدرب

ومن ناحية تانية، اتكلم عن غرفة الملابس والتمييز في العقود بين اللاعبين، وعدم سفر إمام ليانج أفريكانز ورجوعه يلعب عادي بعد أسبوعين، وكمان عن زيزو الأهلي وعقده اللي فيه كيد للزمالك، وازاي عقده العالي أثر على أوضة اللبس، ورحيل رامي وبيع وسام أبو علي بعد ما أصر على الرحيل، وأكرم توفيق واليو ديانج بسبب المغالاة في العقود.

وفي النهاية، قال: يا ريت تقول حاجة غير كده، الفلوس اللي بتتدفع دي إهدار مال، وأين أشرف داري ورضا سليم وجراديشار، والفلوس اللي بتتدفع لهم لغاية دلوقتي، وكمان اللاعبين اللي جابوهم وما عملوش أي إضافة، ده اسمه إهدار مال ولا إدارة محترمة، وفين شركة الكرة وفين سيد عبد الحفيظ اللي بيتحكم في كرة القدم في الأهلي، ولا كابتن الخطيب هو اللي لسه ماسك الأمور رغم تعبه