أكدت وزارة التربية والتعليم أن امتحانات الثانوية العامة للعام الدراسي 2026 هتكون بنفس نظام الأسئلة من غير أي تغيير، وده يعني هتتضمن أسئلة اختيار من متعدد وأخرى مقالية، حسب طبيعة كل مادة والنتائج المستهدفة منها.
من ناحية تانية، الوزارة أوضحت إن أغلب الأسئلة هتكون موضوعية، حيث إن أسئلة الاختيار من متعدد هتمثل حوالي 85% من إجمالي الأسئلة، وكل سؤال هيكون له إجابة صحيحة واحدة بس، بدون أي لبس أو تعدد في الإجابات.
امتحانات الثانوية العامة 2026
وشددت الوزارة على إن الامتحانات هتكون واضحة وسهلة، علشان تقيس قدرات الطلاب بشكل عادل، مع مراعاة الفروق الفردية بينهم، بحيث تشمل مستويات التفكير المختلفة.
وفي نفس السياق، أوضحت إن توزيع الأسئلة هيشمل مستويات متعددة، حيث إن 70% من الأسئلة هتستهدف قياس مهارات الفهم والتطبيق، وهتكون للمستويات البسيطة والمتوسطة، بينما 30% هتكون لقياس مهارات التفكير العليا والقدرة على التحليل والإبداع.
وأكدت الوزارة إن المواصفات دي جايه علشان تحقق تقييم دقيق وشامل لمستوى الطلاب، وده هيساعد في التمييز بين مختلف القدرات والتحصيل الدراسي.
التعليقات