جوارديولا: أداء الشوط الثاني أمام آرسنال كان مفاجئًا

بيب جوارديولا مدرب مانشستر سيتي عبّر عن سعادته بعد فوز فريقه بلقب كأس كاراباو، بعد الانتصار على آرسنال في النهائي اللي اتلعب على ملعب ويمبلي بالأمس.

السيتي قدر يحسم المباراة في الشوط الثاني بفضل ثنائية نيكو أورايلي في الدقيقتين 60 و64، بعد ما انتهى الشوط الأول بالتعادل السلبي، وده منح الفريق أول ألقابه في الموسم الحالي، والخامس في كأس الرابطة تحت قيادة جوارديولا.

جواريولا قال في تصريحات له: ماكنتش متوقع الأداء ده، الشوط الثاني كان مذهل سواء بالكرة أو بدونها، اللاعبين أظهروا شخصية قوية رغم عدم ثبات مستواهم هذا الموسم

وأضاف: واجهنا ضغط كبير في أول ربع ساعة، لكن بعد كده قدرنا نسيطر على الكرات الثانية، وكل واحد في الفريق ساهم في الفوز، سواء اللاعبين الأساسيين أو الشباب

وتابع: اللقب ده مهم للنادي، حتى لو مش بنفس قيمة الدوري الإنجليزي أو دوري أبطال أوروبا، لكن الفوز على فريق بحجم آرسنال بيزود من قيمته

وأشار كمان إنه كان عاوز يحصل على بطاقة صفراء تانية، لأنه إنسان وعنده مشاعر، وبيحتفل مع الجمهور من غير أي نية لعدم احترام المنافس.

جواريولا أشاد بمستوى أورايلي، وقال إنه ممكن يكون من أفضل مفاجآت الموسم، أظهر مرونة كبيرة بلعبه في أكتر من مركز، وسجل هدفين رائعين في النهائي.