سيميوني يؤكد أن العنصرية قضية عالمية وبرشلونة له أسلوبه المميز

تحدث دييجو سيميوني مدرب أتلتيكو مدريد عن مواجهة برشلونة في ملعب واندا ميتروبوليتانو غداً ضمن منافسات الدوري الإسباني.

وقال سيميوني في تصريحات لصحيفة “سبورت” الإسبانية بخصوص حالة لاعبيه: “ميندوزا هيرجع يوم الاثنين، باريوس في تحسن، وبوبيل شغال عشان يوصل لأفضل مستوى، كل المصابين هيرجعوا تدريجياً عشان يساعدونا”

في نفس السياق، أضاف سيميوني عن برشلونة: “كرة القدم تعتمد على اللاعبين أكتر من التكتيكات، هم اللي بيحسموا المباريات، برشلونة عنده أسلوب ثابت من سنتين، منذ ما مدربهم وصل، ومستوياتهم ممتازة، خط دفاعهم متقدم ولعب هجومي مميز، وإحنا عندنا طريقتنا الخاصة من 14 سنة”

وعن مباراة برشلونة، واصل سيميوني: “المباراة دي مفيش مقارنة بينها وبين باقي المباريات”

وأكمل سيميوني عن حالة أتلتيكو مدريد: “بنفس الحماس اللي بدأنا بيه الموسم، عندنا أمل كبير نوصل للمرحلة اللي إحنا فيها دلوقتي، وهنكمل المنافسة زي ما كنا”

وعبر سيميوني عن رأيه في الواقعة العنصرية خلال مباراة مصر وإسبانيا: “دي مشكلة اجتماعية عالمية، مش بس في إسبانيا أو في مكان تاني، فقدنا الاحترام للآباء والمعلمين والشرطة وحتى كبار المسؤولين في الأندية، الوضع ده محتاج شغل مننا جميعاً عشان يتحسن”

واختتم: “بالنسبة لي، كل لاعبي برشلونة مميزين، عندهم القدرة على اللعب في نصف ملعب الخصم، وده بيستهلك وقتك، صعب جداً إنك تحاكي ده، هم بيلعبوا بخط دفاع متقدم وبياخدوا مخاطر كبيرة، إحنا هنسيطر على مجريات المباراة لحد ما نوصل للنقطة اللي ممكن يأذونا فيها”