أكد هشام نصر، نائب رئيس نادي الزمالك، إن أرض النادي لسه مسحوبة، لكن في مجموعة مقترحات لأراضٍ بديلة في أماكن متميزة.
وأوضح في تصريحات عبر برنامج الحكاية على قناة “MBC مصر”، إنه حابب يطمن جماهير الزمالك إن الخيارات المطروحة تشمل مواقع أفضل، وكمان في أكثر من قطعة أرض قيد الدراسة وليست مجرد بديل واحد.
وأضاف أن النادي عنده طموح للتوسع وامتلاك فروع في أماكن مختلفة، زي مدينة السادس من أكتوبر والتجمع الخامس وأسيوط الجديدة، والهدف إن يكون لهم تواجد في مناطق متعددة.
وكشف إن وجود أرض بديلة في أكتوبر موضوع حقيقي، لكن مش ممكن نقول إنها هتكون بنفس المواصفات والامتيازات الخاصة بالأرض السابقة، سواء من حيث المنطقة الاستثمارية أو الارتفاعات أو الاشتراطات.
وأشار إلى إن فكرة “الموديل” اللي طرحها النادي ممكن تمثل نموذج تستفيد منه أندية تانية عشان تتجاوز أزماتها المالية، واختتم بالتأكيد على إن في أرض بديلة هتكون متاحة في موقع مميز وقريب من الأرض القديمة.
التعليقات