عمرو السولية، لاعب سيراميكا كليوباترا ولاعب الأهلي السابق، عبر عن حزنه لما حدث حول رحيله عن الأهلي، حيث كانت كواليس رحيله مؤلمة بالنسبة له.
السولية انتقل لسيراميكا كليوباترا بداية الموسم الحالي بعد عدم تجديد تعاقده مع الأهلي خلال فترة تواجد ريبيرو كمدير فني.
وفي تصريحات له على قناة “MBC مصر 2″، قال: “في آخر موسم لي مع الأهلي، كنت أريد التجديد لمدة موسمين لكن الأهلي كان عايز تجديد لموسم واحد فقط، وكولر قالي إني مش هكون أساسي في الموسم الجاي، وده خلاني زعلان جدًا لأني حسيت إن الموسم ده هو الأخير لي”
وأضاف: “وقت التفاوض، ما حصلتش معي بعض الأمور اللي كانت بتحصل مع لاعبين آخرين قبل كده، وكان التفاوض مش كويس، وفي آخر موسم لي، ما قعدش معايا أي مسؤول إلا محمد رمضان، المدير الرياضي في الوقت ده”
وتابع: “فوجئت بإلغاء بند نسبة المشاركة في آخر موسم لي، وهو عكس اللائحة اللي بتقول إن أي لاعب شارك أكتر من 300 مباراة مع الأهلي مش هيتطبق عليه بند نسبة المشاركة”
وأوضح: “بعد ما تولى ريبيرو تدريب الأهلي، محمد يوسف اتصل بيا وقالي إنني مش هكون مع الفريق في كأس العالم للأندية، ووقتها حسيت إن مشواري مع الأهلي انتهى واتفقنا على الرحيل”
وأكمل: “بصراحة، أشعر بجرح بسبب رحيلي عن الأهلي وبسبب الطريقة اللي حصل بها الرحيل، كنت متوقع إني أودع الجمهور بشكل أفضل لكن ده ما حصلش.. التصرفات اللي عملها كولر مع علي معلول ومعايا مش قادر أفهمها”
التعليقات